IÑIGO OTAZUA URRESTI "Oti" Algorta 1968.05.07 TOPAS (Salamanca) - 490 km. Algortatik

Iñigo Otazua Oti 1994ko urriaren 25ean atxilotu zuten eta 30 urteko espetxe zigorra betetzen ari da. Carabanchel, Alcala-Meco eta Cuencako espetxeetan izan ondoren, Basaurira ekarri zuten 1999ko uztailean, Epailearen aginduz, bere amak ikus ahal zezan. Izan ere, Otiren ama elbarria da eta ezin du bidaia luzerik egin. Bost urte semea ikusi gabe zeramala Epaileak auto batez legea aplikatzea agindu zien Espetxeko arduradunei, eta Basaurira ekarri zuten. Hala ere, urte bat geroago, 2000ko abuztuan, Oti Salamancara eraman zuten, jakinda bertan aurreko epailearen autoak indarrik ez duela. Beraz, berriro aurreko arazoarekin dago: familia erabiltzen dute presoa politikoki presionatzeko, bere pentsamoldeak eta jokabideak aldatu ditzan alegia.

Oti 1.go gradoan sailkatuta dago espetxean sartu zutenetik, okerrenean alegia, eta urte asko egin ditu bakartuta, baita Basaurin izan denean ere. Orain Topasen isolamenduko moduloan dago, eta patiora 4 ordu ateratzen da egunero, beste euskal preso politiko batekin. Modulo hau seguritate neurri bereziko modulo txikia da, hamar pertsona edukitzeko egina. Dena kontrol eta segurtasun neurri ikaragarrien menpean dago. Patioan ere ez dauka inongo aterperik, eta euria egiten duenean ziegan egon behar izaten du.

Astean behin kiroldegira joan ahal du. 40 minutuko bisitak dauzka, eta hilean aurrez aurreko bi bisita ere, 90 minutukoak, beti aste-egunetan hala ere.

Astean bi gutun idatzi ditzake, eta bere korrespondentzia guztia interbenituta dauka. Telefonoz bi aldiz deitu dezakea, 5 minutuko deiak dira, eta bisitetarako, familiarrez gain, 5 lagunek bakarrik daukate baimena.

Helbidea:

Centro Penitenciario
33799 TOPAS