Jorge Garcia Sertutxa Patas1995eko abuztuaren 9an atxilotu zuten Mallorcan eta harrez gero dago kartzelan. Hasieran Alcala Mecon sartu eta bertan prebentiboen eremuko isolamenduko 6. moduloan izan zen, beti ere 1.go graduan, Huelvako espetxera eraman zuten arte.

Momentuz epaiketa bat izan du, eta 20 urteko kondena ezarri diote.

Huelvako espetxean ere isolamenduan daukate bertara eraman zutenetik. Patiora 4 orduz ateratzen da, baina horretaz aparte ezin du beste inolako jardueretan aritu.

Bisitetarako, familiarrez gain, 10 lagunek bakarrik dute bisitatzeko baimena. Zerrenda hau hiruhilabetez alda daiteke baina. Bestela, bisitak aste buruan egiten ditu, 40 minutuko bisitak alegia.

Astean 2 gutun idatz ditzake bakarrik, eta telefonoz bi dei ere egin ditzake, bost minutu bakoitza.
Ziegan liburu bi bakarrik eduki ditzake, eta arropa eta musikako CDak ere mugatuak dauzka.

Patasen egoeran azpimarratu behar da 1996an hepatitis C antzeman ziotela, eta 4 urte izan zutela kasurik egin gabe. Hainbat kexa eta abokatuen gestioen ondorioz, 2000. urtean lortu zuen tratamentu egoki bat jartzea, beste hainbat luzapen eta atzerapenen ostean aplikatzeko baina.Tratamendu hori oso gogorra izan zela esan behar da, eta are gogorragoa kartzelan eta isolamenduan izanik, tratamenduaren ondorioei egoeraren estresa gehitu egiten baitzaie.

Helbidea: