2003ko urriaren 8an atxilotu zuten Getxon. Harrez gero Soto del Real espetxean egon da 2006.03.08ra arte. Egun horretan Curtisera eraman zuten.

Galder atxilotu zuten egun horretan 29 pertsona atxilotu zituzten, eta Espainiako Poliziak esan zuen ETAren kaptazio aparatuaren kideak zirela.

Oraindik ez dute akusazio horregatik epaitu eta ez dago epaiketa datarik.

Beste alde batetik, Txapik beste epaiketa eduki zuen 2004ko ekainean. Getxoko PPko zinegotzi Marisa Arrueri 1999 urtean bidali zizkioten Euskal Presoak Euskal Herrira lemako postaletako bat berak bidali zuela leporatu zioten. Poliziak esan zuen bere hatz marka topatu zutela gutunazalean. Txapik ukatu zuen berak karta hori bidali zuenik. Gainera idatzitako testuaren kaligrafia ez zen berea. Izan ere, karta horiek kanpaina baten barruan bidali ziren, eta kalean egon ziren jarrita mahaietan, jendeak bidaltzeko. Bi urteko espetxe zigorra sartu zioten. Algortako beste gazte bat ere zigortu egin dute akusazio horregatik.

2005eko maiatzean Auzitegi Gorenak absolbitu egin zuen "delitu" honetaz, epaitu zutenerako preskribituta zegoelako argudiarekin.

Espetxean bizimodu normalean dago Txapi: patiora goizean 4 ordu eta arratsaldean 2 ordu ateratzen da; kiroldegira, liburutegira, gimnasiora eta zinemara joan daiteke. Ikasketak, UNEDen bakarrik egin dezke. Sendagilea astean bi aldiz izaten da. Bisitak, familiarrez gain 10 lagunek bisita egiteko baimena daukate: astean 40 minutuko bisita bat eta hilean vis-a-vis intimo eta familiarrak dauzka, aste egunetan. Gutunak idazteko ez dauka mugarik. Hori bai, hilabete bat inguru tardatzen du. Eta telefonoz bi dei egin ditzake astean, bakoitza bost minutukoa. Ikasketako apunteak eta liburuak erretenitu egin dizkiote.

>> 2006.03.08an Galder Bilbao Sototik Curtisera eraman zuten. Bertan, 1. gradoko erregimena aplikatu diote, eta etxekoei telefonoz esan dienez astean bi karta bakarrik idatzi ahal izango du hemendik aurrera, baina jendeari gutunak idazten jarraitzeko eskatzeko esan die.

Gogoratu behar da askotan aipatzen dela prebentibo direnak Madril inguruan edukitzen dituztela, epaitegietatik gertu, baina beste kasu asko bezala, Txapi ere prebentibo izan arren Galiziara hurrundu eta gainera 1. gradoko bizimodua aplikatu diote, besterik gabe.

Helbidea:

Galder Bilbao
Centro Penitenciario Teixeiro
15310 CURTIS

1.- Galder Bilbaoren gutuna Soto del Real espetxeko egoerari buruz, isolamendua eta bakartzea salatzeko ( 2004.10.12) 2.- Bertso batzuk  ( 2004.10.12)